Ghurbat Ki Inteha Hai Lyrics Noha by Nazim Party

1. Teeron bhari qaba thi, aur khoon bhari rida thi 

Jo Shaam se bacha tha Zainab s.a ne rakh diya hai 

Zahra s.a teri lehad par

2. Do pehar dhal rahay hain, khaiyam jaal rahay hain 

Tasveer Karbala ki koi bana raha hai 

Zahra s.a teri lehad par.

3. Zindaan ki guthan se, haar laash bekafan se 

Abid a.s ne jo sambhala, woh aansoo ghir parha hai 

Zahra s.a teri lehad par.

4. Kya yeh daleel kam hai, iss ki kamar mein kham hai 

Kayi'n baar aasmaan ne, sajda adaa kiya hai

Zahra s.a teri lehad paar.

5. Sun kar hawa bhi royi khud Karbala bhi royi

Khaake Rahay Najaf ne jo marsiya parha hai

Zahra s.a teri lehad par.

6.Tere gham ki chand satrain, kam aayegi lehad mein 

Bakshish Tauqeer ki hai, yeh noha jo likha hai

Zahra s.a teri lehad par.

Mukhtar Lyrics Noha by Safdar Maulai

Mukhtar

1. Teer talwar chalane ka hunar rakhta hoon 

aur lehje mein qayamat ka asar rakhta hoon 

zikre Haider a.s ke liye haath pe sar rakhta hoon 

qaid mein reh ke zamane ki khabar rakhta hoon 

perawe Haidare Karar a.s mujhe kehte hain 

main hoon azaad to Mukhtar mujhe kehte hain

2. Dekhti hai mujhe ulfat se duaye Abbas a.s 

Mere honton pe hamesha hai sanaye Abbas a.s 

janta hoon mujhe hasil hai razaye Abbas a.s 

himmate deta hai mujhko bhi Khudaye Abbas a.s 

mujhsa iss sare zamane mein koi sher nahi 

main hoon Mukhtar Mere naam mein bhi zer nahi

3. Ek din ghod mein Haider a.s ne uthaya tha mujhe 

pyaar kar kar ke kaleje se laghaya tha mujhe 

waqeya karbobala ka bhi sunaya tha mujhe 

maksade zeest mera kya hai bataya tha mujhe 

maksade zeest mera yeh hai ke batil na rehe 

zinda Aulade Ali a.s ka koi qatil na rahe

4. Jo tamannaye Hussain ibne Ali a.s usne kaha 

jiski aghosh mein tehzeeb pali usne kaha 

jisko khaliq se immat hai mili usne kaha 

jiske dada bhi Ali a.s khud bhi Ali a.s usne kaha 

Mere honton ke tabasam ko jila dey Mukhtar 

hurmala ka mujhe sar khat ke la day Mukhtar

5. Haan taharat bhi taharat ke taramun ke liye 

ilme kamil ke liye ilm ke kulzum ke liye 

aur Qurane Imamat ke takallum ke liye 

Labe Sajjad a.s pe halke se tabassum ke liye 

asmanon ki tanabon ko hila sakta hoon 

hurmala kya hai zamane ko mita sakta hoon

6. Qatl jab kar liya zalim ko to Mukhtar chala 

muskurata huwa Sarwar a.s ka azadar chala 

shor utha ke ghulame Shahe Abral chala 

sar liye haath mein seeda suwe Beemar chala 

bole Sajjad a.s Rasoolon ne balaye li hain 

Tujhko Maa Fatima Zahra s.a ne duaye di hain

7. Haq ki baton ke parastar ke chehre ka jalal 

nuktae Baa ke tarafdar ke chehre ka jalal 

Shere Haider a.s ke wafadar ke chehre ka jalal 

dekh kar Hazrate Mukhtar ke chehre ka jalal 

ek se dusra kehta tha ke shamat ayi 

bagho Mukhtar ki surat mein Qayamat aayi

8. bole Mukhtar isi ki hai zarorat bagho 

bagho bagho tumhein deta hoon ijazat bagho 

yeh tumhare hi bazurgon ki hai adat bagho 

chahay iss roz se tum kaba qayamat bagho 

jispe likhi hai kaza sab ki wo kirtas hoon main 

bachke jao ghe kahan khadime Abbas a.s hoon main

9. ey sharar yeh bhi to likh sare waziron se kaha 

sach hai safdar yehi kul apne safeeron se kaha 

dekh kar neza shamshir ameeron se kaha 

bar ke Mukhtar ne yeh apne mushiron se kaha 

usko jeene ka nahi haq jo wafadar nahi 

qatl kardo use jo Shah a.s ka azadar nahi

Teri Ummat Ne Mere Lyrics Noha by Mir Hasan

Teri ummat ne Mere dar ko jalaya Baba haye
Phir wo jalta huwa dar mujhpe giraya Baba (saw)

Rakh ti shole the sehme huwe bacche ya duwa
Mere anghan mein tha ik sham e ghareeba ka sama
Dar hatha kar mujhe Fizza (sa) ne uthaya Baba

Haye lout kar aayi to chehra bhi mera zakhmi tha
Meri Zainab (sa) ko meri peshi ka pehla Noha
Mere balon ki safaidi ne sunaya Baba haye

Haye le chale qaidi bana kar jo Ali (as) ko dushman
Maine chora nahi Haider (as) ki aba ka daman
Taziyanon ne magar mujhse churaya Baba

Haye bet kar parti hon mushkil se Namaze shab bhi
Phir bhi Abbas (as) ki khilqat ki dua bhooli nahi
Jab bhi zakhmi huwe haathon ko uthaya Baba haye

Zakhmi halat mein bhi dehleez se bahar ayi
Aur Ali un wali ullah bacha kar laayi
Ehd jo maine kiya tha wo nabaya Baba

Koun sa dar hai jahan Apki Beti na gayi
Aray baat sunna to khuja yu hui Izzat Meri
Koi darwaze se bahar nahi aya baba

Khud yeh dekha hai tere sheher ki deewaron ne
Aisi Gurbat thi ke hathon mein sitamgaron ne
Rasiya band ke Haider (as) ko piraya Baba

Haye jis jagha App ne ruk ruk ke Ijazat mangi
Wahan ghustakh musalmanon ne baiyyat mangi
Arey koi sholey to koi lakriya laya Baba

Arsh aur farsh pe mohsin huwa khohram bapa
Jis ghari ro ke wilayat ki shaheeda ne kaha
Haye mujhko has has ke zamane ne rulaya Baba..

Mehdi (ajf) Zamaan Lyrics Shuja Rizvi

Aaena Mehdie Zamaan Aaena Maulae Jahaan,

1) Mujh mein taqwah nahi kaise Ammar banu
Mujh mein taqat wo nahi main bhi Mukhtar banu
Pisare Fatima (sa) Na main Misam hi bana
Karbala mein jo bane aisa kirdar banu
Maula aaj tak Aapki nusrat mein kiya kuch bhi nahi
mere daman mein ghunnahon ke siwa kuch bhi nahi
aa jaye na Yabna Nabi (saw) aa jaye na Yabna Ali (as)

2) Khab hai Busar ki tarha khab hai Qamar ka Hasham
karche mojood nahi hum mein Salman ka dam
Pisare Fatima (sa) dil mein hai Shah (as) ka gham
Apke Jad (as) ki kasam haan azadar hain hum Maula
Apto aaj bhi Mazloome bilanasir hain
Maula hum apki nusraat ke liye hazir hain
aa jaye na Yabna Nabi (saw) aa jaye na Yabna Ali (as)

3) Teri nusrat mein rahe mera dil meri zubaan
malo shohrat bhi fida yeh zameen aur makhaan
Pisare Fatima (sa) Tujhpe qurbaan ho Maa
Tu ishara jo karay Tujhpe qurbaan ho jaan
Maula bare sardosh pe lekar main kidar jaoun gha
Maula ghar Aap na aye to main mar jaoun gha
aa jaye na Yabna Nabi (saw) aa jaye na Yabna Ali (as)

4) Akhri saan talaq Apke saath hain hum
Apko dekha nai dil mein hai ek hi gham
Pisare Fatima (sa) sahibe loho qalam
main hoon majboor magar jane Maula ki qasam
Maula kuch nahi chahiye Maula mujhe duniya ki sanad
yeh meri akhri hichki hai meri akhri had
aa jaye na Yabna Nabi (saw) aa jaye na Yabna Ali (as)

5) Yun bicheay farshe aza inke kirdar bane
maein Zainab s.a ki tarha dil ko mazboot kare
Pisar e Fatima (sa) hum bhi zalim se laaray
khatm ghaibt ho agar suhay kaba bhi chale
Maula yeh tamannah hai ke yeh jam shahadat ka piye
maoun ne pala hai bacchon ko isi din ke liye
aa jaye na Yabna Nabi (saw) aa jaye na Yabna Ali (as)

6) Muntazar rehte hain hum hum hain maula ke ghulam
noukri humko mile hum karay apke kam
Pisare Fatima (sa) App par mera Salam
detay taane hain adu hai kahan tera Imam
Maula mehr jab farze ghaibat se nikal aye gha
bachke taqfeer koi bhi yeh kidar jaye gha
aa jaye na Yabna Nabi (saw) aa jaye na Yabna Ali (as)

7) Chord kar ilmo amal hum pe aya hai zawal
jhoot ghibat hai ghina rask iblis ka jaam
Pisare Fatima (sa) hum nahi rakhte khyal
kyon kamate hi nahi log yeh rizqe halal
Maula zindagi kalbe musalsal se nikal jaye ghi
Aap aa jaye to duniya yeh badal jaye ghi
aa jaye na Yabna Nabi (saw) aa jaye na Yabna Ali (as)

8) Khushk aankhon mein jamay aur pasina hai jabeen
main yahan jaan balab mere Maula hain kahin
Pisare Fatima (sa) malike arsho zameen
uska chehra bhi likha jisko dekha hi nahi
Maula main raha aaj talaq iss liye zinda Maula
ek bar Apka bas dekhloon chehra Maula
aa jaye na Yabna Nabi (saw) aa jaye na Yabna Ali (as)

9) Pyaas phir bhi na boji jab chala hai khanjar
Maa ki aghosh liye aur tarapta hai pisar
Pisare Fatima (sa) khat gaya Shah a.s ka sar
tukre tukre hai badan tukre tukre hai jigar
Maula Qasimo Akbaro Shabbir (as) ka pursa lene
aiye sham ke darbar ka badla lene
aa jaye na Yabna Nabi (saw) aa jaye na Yabna Ali (as)

10) Ek bacchi ke liye hai tamachon ki sada
chin gayi baliya bhi khoon kanon se baha
Pisare Fatima (sa) maye hain mehwe dua
sham hai giriya khuna hai Sakina s.a tanha
Maula aaj bhi qaid mein hain shahe Madina ke liye
Maula aa jaiye bas Aap Sakina s.a ke liye
aa jaye na Yabna Nabi (saw) aa jaye na Yabna Ali (as)

11) Jane dil jane jigar koi dunde kaise
jangalon mein bhi pira mujhko Maula na mile
Pisare Fatima (sa) hain kahan Maula mere
itna rota main raha khushk aanson bhi huwe
Maula neend aati hai mujhe aur na main so sakta hoon
band darwaze ko asrat se qamar takta hoon

aa jaye na Yabna Nabi (saw) aa jaye na Yabna Ali (as) 

Ya Hazrate Abbas (as) Alamdar Madad Kar Lyrics

Ya Hazrate Abbas (as) Alamdar Madad kar
Laktay Jigar e Haidare Karrar Madad Kar

1) Ya Shah Tujhe sadqa Sarkare Madina
Faryad hai Faryad hai Saqaye Sakina s.a
hai Tere siwa koun Madad kar

2) Ya Shah Tujhe sayyade Mazloom ka sadqa
Ya Shah Tujhe Asghare Masoom ka Sadqa
hoon banda ghunnahghar Alamdar Madad kar

3) Mushkil mein Tere naam ki dhi jisne duhayi
ik pal mein Teri zaat hai imdad ko ayi
kyon mere liye der hai Sarkar Madad kar

4) bighri hui Maula meri taqdeer bana day
Hasnain a.s ke sadqay mein mujhe gham se churaday
kismat ke mere malko mukhtar madad kar

5) Duniya mein koi misl nahi Teri wafa ki
jaa'n Tune Muhammad s.a.w ke niwase pe fida ki
main ek nazar ka hoon talabgar Madad kar

6) Sarkar ghazanfar ki bhi ho jaye rihayi
Ya Hazrate Abbas a.s karo ukhda khushayi
khab tak rahon mushkil mein ghirafttar Madad kar

Qismat Main Jo Nahi Hai Lyrics Ali Hamza

Ghunahgar ho kaisa nijaat milti hai
Mere Hussain (as) ki Allah se baat milti hai
Bata gaya hai Rahib jahan ko iss dar se
Naseeb mein jo na ho wo khairaat milti hai

Loho qalam ke Malik Zahra (sa) ke chain se
Kismat mein jo nahi hai wo mango Hussain (as) se

1) Jis roz aye duniya mein wo fakhre Kibriya
Futras ko dardaeel ko dhi kisne thi shifa
Pucho Nabi (saw) se Fatahe Badro Hunain se
Kismat mein jo nahi hai wo mango Hussain (as) se

2) Shabbir (as) wo hai jiska makhrooz hai Khuda
Rahib ki tarha manglo hai yeh dare sakha
Uss Naaz Ambiya (as) se uss deen ke Zain se
Kismat mein jo nahi hai wo Mango Hussain (as) se

3) Deene Nabi (saw) ke sar se mushkil jo taal day
Rahay Khuda mein wo jo Asghar (sa) sa war day
Khoone Ali (as) Muhammad (saw) ke noore ain se
Kismat mein jo nahi hai wo Mango Hussian (as) se

4) Kya hai basaat jag mein khursheed ki bala
Karte ataa hain mujhko wo Shahe Karbala
Likhne ko roz milta hai Unki Nalain se
Kismat mein jo nahi hai wo Mango Hussain (as) se..